Skafjellet er høgste punktet på fjellryggen som strekker se frå Osnesdalen til Brandal. Kortaste vegen er å fylge skogsvegen frå Bjåstad. Særs godt utsyn har du mot Hareidsdalen og Snipsøyrdalen. Om du vandrar frå Brandal til Ulsteinvik, er du no omlag halvegs til Lisjevatnet, men herifrå er det mest nedtur. Det gjer seg å grille i pølse på Skafjellet, men det er snaut, så ein lyt ha spikka seg ein grillpinne på førehand.