Ulsteinelva er siste elva i Vassdraget som omfattar Mosvatnet, Kjelstjønna, og Lisjevatnet. Nedfallsområdet er mellom Brørene, Mosvarden, Breidfjellet og Koppen. Elva går frå Lisjevatnet, og bratt nedover Ulsteindalen til verket. Her kjem den saman med Tverrvadelva. Elva fortsett langs vegen ned til Kolbeinhaugane der den fortsett gjennom skogen langs kvennavegen, og ned til osen ved havna på Ulstein. Langs kvennavegen finn vi restar av fleire kvennahus. Sidan elva er regulert med eit kraftverk, vil vassføringa variere med produksjonen. Verket i Ulsteindalen er det einaste på Hareidlandet. Om ein slår saman fiskeskrønene frå grunneigarane, er Ulsteinelva ei av dei beste lakseelvene i landet.